Autorización para a explotación publicitaria de determinado mobiliario urbano do concello de Pontevedra

Experiencia en trabajos similares

A solvencia técnica acreditarase a través dos seguintes medios (deben cumprirse os dous): Unha relación dos principais servizos ou traballos de similar natureza aos que son obxecto desta autorización realizados nos últimos cinco anos que inclúan importes, datas e entidades ou ámbitos territoriais nos que se prestou. Relación da persoa que vai actuar como responsable da autorización pola empresa licitadora ante o Concello, con indicación da súa titulación académica e experiencia na xestión de explotacións publicitarias de similar natureza as que son obxecto desta autorización. desta autorización (explotación publicitaria de mobiliario), como mínimo requírese que nos últimos cinco anos, se sexa titular dun negocio xurídico (autorización, concesión, contrato, etc), que inclúa estes servizos ou traballos de similar natureza nun municipio ou ámbito territorial cunha poboación superior aos 75.000 habitantes. Deben estar avalados por certificados de boa execución.

Volumen anual de negocios

A solvencia económica acreditarase mediante o volume anual de negocios. Entenderase cumprida a solvencia cando o volume anual de negocios do licitador, que referido ao ano de maior volume de negocio dos tres últimos concluidos, sexa igual ou superior a unha vez e media o importe do canon mínimo anual da autorización que se establece neste prego. Este volume anual acreditarase por medio das súas contas anuais aprobadas e depositadas no Rexistro Mercantil, se o empresario estivese inscrito en dito rexistro, e, en caso contrario, polas depositadas no rexistro oficial no que deba estar inscrito. Os empresarios individuais non inscritos no Rexistro Mercantil acreditarán o seu volume anual de negocios mediante os libros de inventarios e contas anuais legalizados polo Rexistro Mercantil.