A execución das obras do proxecto de “Mellora da Seguridade Viaria no Camiño Da Arrouba (Zamáns)"

Experiencia en trabajos similares

creditarase, alternativamente, por calquera dos seguintes medios, excepto que no apartado 5.E das FEC se determinen outros distintos: • Certificacións ou documentos que acrediten a boa execución de contratos de obras ou traballos similares aos do obxecto do contrato executados no curso dos cinco últimos anos (entenderase que este prazo remata o último día para a presentación de ofertas). Indicaranse importe, datas e destino público ou privado. Considerarase acreditada a solvencia se nalgún dos últimos cinco anos xustifican ter realizado traballos similares aos do obxecto do contrato cuxo importe, en conxunto, sexa igual ou superior ao prezo do contrato. • Documento acreditativo de posuír a clasificación alternativa prevista no apartado 5.B. No caso de empresas de nova creación (antigüidade inferior a 5 anos) en contratos cuxo valor estimado sexa inferior a 500.000 euros poderá acreditarse por algún dos medios previstos nas letras b) a f) do apartado 1 do artigo 88 da LCSP, agás que no apartado 5 das FEC se sinalen outros distintos. A documentación acreditativa destes extremos achegarase polo primeiro clasificado con carácter previo á adxudicación do contrato.

Volumen anual de negocios

Acreditarase, indistintamente, por calquera dos seguintes medios excepto que no apartado 5.C das FEC se determinen outros distintos: • Declaración do volume anual de negocios. Considerarase con solvencia económica e financeira aos licitadores cuxo volume anual de negocios, no ámbito do contrato, referido ao ano de maior volume de negocio dos tres últimos concluídos sexa, cando menos, igual ou superior: ◦ Ao valor estimado do contrato, ou do lote correspondente, cando o contrato se licite por lotes, cando a súa duración non sexa superior a un ano. ◦ Á anualidade media do prezo do contrato, ou do lote correspondente, cando o contrato se licite por lotes, se a súa duración é superior a un ano. Acreditarase por medio das contas anuais aprobadas e depositadas no Rexistro Mercantil, se o empresario estivera inscrito en dito rexistro, e no caso contrario, polas depositadas no rexistro oficial no que deba estar inscrito. Os empresarios individuais non inscritos no Rexistro Mercantil acreditarán o seu volume anual de negocios mediante os seus libros de inventarios e contas anuais legalizados polo Rexistro Mercantil. • Documento acreditativo de posuír a clasificación alternativa prevista no apartado 5.B.