O mantemento e melloras das vías, estruturas e espazos públicos de tipoloxía viaria, de titularidade municipal, comprendidas dentro do territorio do Concello, de modo que se produza un acondicionamento para un uso adecuado e seguro de cada unha delas e unha mellora do seu estado que permita aumentar a súa vida útil, no referente aos elementos de pavimentación da plataforma existente, tanto nas beirarrúas pavimentadas como nas calzadas, así como os elementos de sostemento e protección destas. Asemade inclúese o mantemento das esculturas, estatuas e demais elementos ornamentais instalados nas prazas e vías públicas municipais.

Modificación 1

Esta modificación consiste na ampliación do orzamento máximo a causa dun incremento das operacións de mantemento, conservación e mellora das infraestruturas viarias obxecto do contrato debido ao deterioro das infraestruturas viarias cuxa reparación excede do importe previsto para a anualidade do contrato en curso.

Modificación 2

Modificar o contrato mixto de servizos e obra do mantemento, acondicionamento e mellora das infraestruturas viarias no Concello de Vigo (641-441), segundo o solicitado polo xefe da Unidade de Mantemento de Vías Municipais, o xefe da Área de Servizos Xerais e o xefe do Servizo Administrativo e de Control Orzamentario (responsable do contrato) mediante informe do 26 de marzo de 2025, conformado polo concelleiro da Área de Goberno de fomento, Servizos e Deportes Trátase da segunda modificación do contrato, dunha modificación prevista cuxo aspecto a modificar é “o importe do orzamento máximo a causa dun incremento das operacións de mantemento, conservación e mellora das infraestruturas viarias obxecto do contrato” (apartado 14B das FEC do prego de cláusulas administrativas particulares) e obedece a unha das circunstancias recollidas no apartado 14C (“un deterioro das infraestruturas viarias cuxa reparación exceda do importe previsto para a anualidade do contrato en curso”). A modificación supón un segundo incremento do orzamento máximo recollido no apartado 3A da FEC de 479.640,00 euros para atender ás necesidades do contrato ata xuño de 2025. Representa un 5,71% do prezo do contrato, que sumado ao da primeira modificación (14,29%), se atopa dentro do límite da porcentaxe máxima de modificación, que é do 20% (5,71%+14,29%=20%), segundo o disposto no apartado 14D da FEC.